Cepada mamumuno sa UE

MANILA, Philippines — Handang pamunuan ni Khy Cepada ang kampan­ya ng University of the East sa UAAP Season 87 wo­men’s volleyball tour­nament.

Gigiyain ni Cepa­da ang Lady Warriors pag­harap sa University of the Philip­pines Lady Maroons nga­yong ala-1 ng hapon ka­sunod ang bak­bakan ng University of Sto. Tomas Tigresses at Far Eastern University La­dy Tamaraws sa alas-3 ng hapon sa MOA Arena sa Pasay City.

Noong nakaraang buwan lamang ay nayanig ang UE dahil ilan sa mga key players nila ay naglipatan ng eskuwelahan.

Isa na rito si Casiey Dongallo na nagningning ang rookie year sa Season 86 at lumipat sa bakuran ng Lady Maroons.

Nakasama ni Dongallo sina California Academy standouts Kizze Madriaga, Shamel Fernandez, Je­na­lyn Umayam at Jelai Ga­jero.

Gusto namang ipagpa­tuloy nina Yesha Rojo at Claire Castillo ang ka­ni­lang collegiate careers sa College of St. Benilde sa NCAA.

“It’s a hard thing kasi I thought iyon na iyong lineup,” sabi ni Cepada. “We still have the pieces to play and show what we’re capable of.”

Makakasama ni Cepa­da sina Kayce Balingit, Van Ba­nga­yan, Angelica Reyes at Riza Nogales.

Bagama’t marami ang nalagas ay gagawin itong motibasyon ni Cepada.