Thompson, Mavs umiskor sa Celtics

BOSTON -- Nagsalpak si Klay Thompson ng 25 points, habang may 15 rebounds si center Daniel Gafford sa 127-120 pagsapaw ng Dallas Mavericks sa nagdedepensang Celtics sa kanilang NBA Finals rematch.

Hindi pa naglalaro ang bagong hugot na si big man Anthony Davis para sa Dallas (27-25) dahil sa kanyang abdominal strain.

Pinamunuan ni Jaylen Brown ang Boston (36-16) sa kanyang 25 points ka­su­nod ang 22 markers ni Spencer Dinwiddie mula sa bench.

Nagdagdag si Payton Pritchard ng 21 points, habang may 17 markers si Jayson Tatum para sa Celtics na iniwanan ng Mavericks sa second half.

Ang dalawang sunod na three-point shot ni Kyrie Irving ang naglayo sa Dallas sa 117-90 sa kaagahan ng fourth period.

Mula rito ay hindi na nakabangon ang Boston.

Sa Los Angeles, nagsu­mite si LeBron James ng 42 points, 17 rebounds at 8 assists sa 120-112 paggu­po ng Lakers (30-19) sa Gol­den State Warriors (25-26).

Hindi pa naglalaro si guard Luka Doncic matapos makuha ng Lakers sa Mave­ricks kapalit ni Da­­vis.

Nakipag-ensayo naman si Jimmy Butler sa Warriors matapos mahugot mula sa Miami Heat ka­palit ni Andrew Wiggins at iba pa

Sa Denver, humakot si Nikola Jokic ng 28 points, 12 assists at 10 rebounds para sa kanyang ika-24 tri­ple-double sa season at akayin ang Nuggets (33-19) sa 112-90 panalo sa Or­lando Magic (25-28).

Sa Minneapolis, kumo­lekta si forward Anthony Edwards ng 41 points, 7 re­­bounds at 6 assists sa 127-114 pagpulutan ng Min­­nesota Timberwolves (29-23) sa Houston Roc­kets (32-19).

Sa Inglewood, Califor­nia, tumipa si forward Pascal Sia­kam ng 33 points para tulungan ang Indiana Pa­cers (29-21) sa 119-112 panalo laban sa Clippers (28-23).