Unang panalo hanap ng Nxled

MANILA, Philippines — Isa lamang sa Gale­ries To­wer at Nxled ang ma­ta­tapos ang kamalasan.

Maghaharap ang High­risers at Chameleons nga­yong alas-4 ng hapon ka­su­nod ang banggaan ng Aka­ri Chargers at Choco Mu­cho Flying Titans sa alas-7:30 ng gabi sa 2024-25 Premier Volleyball League (PVL) All-Filipino Con­ference sa PhilSports Arena sa Pasig City.

Solo ng nagdedepensang Creamline ang lide­rato sa kanilang 8-0 record kasunod ang Petro Gazz (7-1), Cignal HD (6-3), PLDT (6-3), Akari (5-4), Cho­­co Mucho (5-5), ZUS Coffee (4-5), Farm Fresh (4-5), Galeries Tower (1-7), Capital1 Solar Energy (1-8) at Nxled (0-8).

Matapos walisin ang Solar Spikers ay minalas ang Highrisers sa Crossovers, HD Spikers at Fo­xies.

Ang kauna-unahang panalo pa rin ang hangad ng Chameleons.

Sina Julia Coronel, Je­wel Encarnacion, Ysabel Ji­menez at France Ronquillo ang ba­bandera sa Galeries To­wer katapat sina Chiara Per­­mentilla, Ly­cha Ebon, May Luna at EJ Laure ng Nxled.