2025 Big Events
Apat na taon pa ang hihintayin upang muling makita ang Filipino athletes sa pagsabak sa Olympics.
Sa taong 2025, kampanya muna sa Southeast Asian Games ang pagtutuunang pansin ng ating mga pambato.
Pero nariyan pa rin ang excitement, lalo na sa FIBA Asia Cup na gaganapin sa Jeddah, Saudi Arabia, Aug. 5-17.
Qualified na sa FIBA Asia Cup ang Gilas Pilipinas pero patuloy na sasabak sa qualifiers, at susubukan hugutin ang top seeding mula Group B kontra New Zealand, Chinese Taipei at Hong Kong.
Dalawang “away games” ang lalaruin ng Gilas sa February –sa Taipei sa Feb. 20 at sa Auckland sa Feb. 23.
Kasama rin sa malalaking events na hihintayin sa 2025 ang Philippine Open na lalaruan ng mga higante mula sa Asian Golf Tour.
Invited sa competition si lady aces Yuka Saso at Rhianne Malixi na makikipaghatawan mula sa men’s tee.
At syempre, nariyan ang 2025 FIVB Men’s World Championship kung saan kasama ang Team Philippines sa 32-team field.
Featured ang host team kontra Tunisia sa opening game sa Sept. 12.
Smart Araneta Coliseum at MOA Arena ang playing venues ng competition na kinapapalooban rin ng Algeria, Argentina, Belgium, Brazil, Bulgaria, Canada, Chile, China, Colombia, Cuba, Czechia, Egypt, Finland, France, Germany, Iran, Italy, Japan, South Korea, Libya, Netherlands, Poland, Portugal, Qatar, Romania, Serbia, Slovenia, Turkey, Ukraine at USA.
Ang tanong lang eh makahugot man lang kaya kahit isang set win ang host team.
- Latest