^

PM Sports

PH poomsae sumipa ng 7 medals sa Asian meet

Chris Co - Pang-masa

MANILA, Philippines — Muling nagbigay ng karangalan sa bansa ang Phi­lippine taekwondo poomsae team nang mag-uwi ito ng pitong medalya — isang ginto, isang pilak at limang tanso — sa 2024 Asian Taekwondo Poomsae Championships na ginanap sa Da Nang, Vietnam.

Nagmula ang ginto sa over-17 freestyle mixed team kung saan nangibabaw sina Darius Venerable, Justin Kobe Macario, Juvenile Fate Crisostomo, Zyka Angelica Santiago at Stella Nicole Yape sa naturang event.

Umani rin ang World Combat Games gold medalist na si Venerable ng tanso sa freestyle mixed pair O17 event kasama naman si Janna Dominique Oliva.

Ibinigay naman ni Southeast Asian Games veteran Ernesto Guzman Jr. ang nag-iisang pilak ng Team Phi­lippines nang pumangalawa ito sa  men’s recognized individual event.

Wagi rin ng tansong medalya si Justin Kobe Mariano sa Freestyle Individual O17 Male event.

Sa kabilang banda, umani si three-time Southeast Asian Games gold medalist Jocel Lyn Ninobla ng dalawang tanso sa Recognized Individual U30 Female at Recognized Team U30 Female events kasama sina Ma. Nicole Labayne at Sofia Ysabelle Sarmiento.

Nagdagdag ng tanso si June Ninobla sa Re­cognized Individual U60 Male event.

“It was only a dream, now we’re fulfilling His purpose together. Always proud of you dad you’re my inspiration,” ani Jocel Lyn sa kanyang post sa social media.

Masaya si dating world champion Rani Ortega na siya nang humahawak sa national poomsae team, sa tagumpay ng kanyang bataan.

“We did it. Salamat poomsae team. You all poured your hearts out. Super proud of all of you,” ani Ortega.

vuukle comment

TAEKWONDO

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with