San Miguel iginarahe ang dyip

MANILA, Philippines — Sumosyo sa second place ang San Miguel ma­tapos tambakan ang Ter­rafirma, 122-102, sa 2023 PBA Governors’ Cup kahapon sa Ynares Center sa Antipolo City.

Humakot si import Ca­meron Clark ng 31 points, 14 rebounds at 4 assists para igiya ang Beermen sa 3-0 kartada katabla ang NLEX Road Warriors sa ilalim ng lider na Converge FiberXers (4-0).

Nagtala si CJ Perez ng 20 markers, 11 boards at 6 assists, habang may 17, 14 at 12 points sina Mo Tau­tuaa, Allyn Bulanadi at Marcio Lassiter, ayon sa pagkakasunod.

Ayon kay coach Jorge Gallent, hindi nila puwedeng maliitin ang kakayahan ng ibang koponan.

“They started strong and we started flat,” wika ni Gallent. “The best thing about it is after three to four mi­nutes, we woke up and brought our San Mi­guel bas­ketball.”

Pinamunuan ni import Jordan Williams ang Dyip (1-2) sa nakolektang 30 points, 8 rebounds, 4 asssts, 3 blocks at 2 steals.

Matapos maiwanan sa first period, 19-21, ay humarurot ang San Mi­guel sa second quarter pa­ra ibaon ang Terrafirma sa 57-44.

Naputol ito ng Dyip pa­pasok sa final canto, 78-88, bago muling naka­layo ang Beermen para ita­gay ang ikatlong dikit na panalo.

Tumipa si guard Jua­mi Tiongson ng 20 mar­kers kasama ang tatlong triples para sa Dyip at may 18 at 10 points si­na Eric Camson at Alex Ca­bagnot, ayon sa pagka­ka­sunod.

Sa ikalawang laro, nalusutan ng TNT Tropang Giga (3-1) ang paghaha­bol ng Magnolia  (0-2) sa 93-85 pagtakas.

Kumamada si Roger Pogoy ng 20 points para banderahan ang TNT.