Embiid top reserve sa All-Star
MANILA, Philippines — Bida si Joel Embiid ng Philadelphia 76ers sa 14 reserves ng 2023 NBA All-Star sa Pebrero 19 sa Salt Lake City matapos hindi umabot sa cut ng starting line-up.
Segunda sa MVP race si Embiid sa likod ng kanyang 33.4 points, 9.8 rebounds at 4.1 assists.
Ang 30 NBA coaches ang pumuli ng All-Star reserves kumpara sa starters na dumaan sa botohan ng mga fans.
Kasama ni Embiid sa East reserves sina Bam Adebayo ng Miami Heat, Jaylen Brown ng Boston Celtics, DeMar DeRozan ng Chicago Bulls, Tyrese Haliburton ng Indiana Pacers, Jrue Holiday ng Milwaukee Bucks at Julius Randle ng New York Knicks.
Starters sa Eastern Conference sina Jayson Tatum ng Boston Celtics, Donovan Mitchell ng Cleveland Cavaliers, Kyrie Irving at Kevin Durant ng Brooklyn Nets at Giannis Antetonkounmpo ng Milwaukee Bucks.
Reserba sa West sina Damian Lillard ng Portland Trail Blazers, Ja Morant at Jaren Jackson Jr. ng Memphis Grizzlies, Shai Gilgeous-Alexander ng Oklahoma City Thunder, Paul George ng LA Clippers, Domantas Sabonis ng Sacramento Kings at Lauri Markkanen ng Utah Jazz.
Ang West starters ay sina LeBron James ng LA Lakers, MVP No. 1 candidate Nikola Jokic ng Denver Nuggets, Stephen Curry ng Golden State Warriors, Luka Doncic ng Dallas Mavericks at Zion Williamson ng New Orleans Pelicans.
- Latest