Exciting ang 2023
Kumusta naman ang New Year ninyo?
Ewan ko lang ha, pero feeling ko magiging exciting ang taong 2023 para sa sports.
Naniniwala ako na magiging makulay ang Philippine sports ngayong taong ito.
Bakit ko nasabi ito?
Hindi sa ayaw kong maging nega, pero kasi kahit hindi pa tayo talaga bumabalik sa normal at nananatili pa rin ang banta ng COVID-19, nagningning ang mga Pinoy athletes sa iba’t ibang sports disciplines na nagbigay sa atin ng pasilip sa taong ito.
Sa taong ito, gaganapin ang South East Asian Games sa Cambodia ngayong Mayo at ang na-postpone noong nakaraang taon na Asian Games sa China sa September.
Gaganapin din ang FIBA World Cup kung saan isa sa host ang Pinas.
Huwag tayong masyadong mag-expect sa ating Gilas Pilipinas pero I’m sure exciting ito.
Excited ako dahil may maaasahan tayo, unang una sa bagong world champion at Olympic gold medalist na si Hidilyn Diaz-Naranjo, kina pole vaulter EJ Obiena at gymnast Carlos Yulo na nakapagbigay din ng karangalan sa Pinas noong nakaraang taon.
Naririyan din ang US Open junior women champion na si Alex Eala, si karateka Junna Tsukii na nanalo ng gold sa World Games, ang Philippine Women’s football team na nag-qualify sa 2023 FIFA Women’s World Cup at iba pa.
So ready na ba kayo para sa taong 2023?
- Latest