^

PM Sports

Ramos, Ravena sa B.League All-Stars

John Bryan Ulanday - Pang-masa

MANILA, Philippines — Paparada ang lahat ng 11 Filipino players bilang miyembro ng Asian All-Stars para sa inaabangang 20223 B. League All-Star Weekend sa Mito, Japan.

Bida rito ang mga be­teranong sina Dwight Ra­mos ng Levanga Hokkaido, Ray Parks Jr. ng Na­goya Diamond Dolphins, Kiefer Ravena ng Shi­ga Lakestars at Thirdy Ravena ng San-en NeoPhoenix na noong nakaraang season pa naglalaro sa Japan.

Bagama’t bagito pa lang sa “Land of the Ri­sing Sun” ay swak din sa All-Stars sina Justine Bal­tazar ng Hiroshima Dra­gonflies, Matthew Wright ng Kyoto Hanna­ryz at Jay Washington ng Ryukyu Golden Kings na pare-parehong nasa B. League Division I.

Kahit naman sa Division II naglalaro ay kasali rin sa All-Star Weekend sina Kobe Paras ng Alti­ri Chiba, Jordan Hea­ding ng Nagasaki Velca, Roosevelt Adams ng Ka­gawa Five Arrows at Greg Slaughter ng Rizing Zephyr Fukuoka.

Kinatawan ng Pilipinas bilang Asian imports ang mga naturang manlalaro sa ilalim ng Asian Player Quota program ng Japan B. League.

Sa Asian All-Stars ay ma­kakasama nila ang iba pang Asian stalwarts na sina Wang Weija (Akita Nothern Happinets) ng China at Brandon Jawato (SeaHorses Mikawa) ng Indonesia pati sina Yang Jaemin (Utsunomiya Brex) at Gibeom Cheon (Fukushima Firebinds) ng South Korea na makiki­pag­sagupa kontra sa All-Stars ng Japan.

Maglalaro na rin sana noong nakaraang season sina Ramos, ang magka­patid na Ravena, Parks at Paras sa All-Star subalit nakansela ito dahil sa pagtaas ng mga COVID-19 ca­ses doon.

Samantala, sasalang din sa Skills Challenge si Kiefer, habang sa Three-Point Contest naman lalahok si Heading.

 

DWIGHT RA­MOS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with