^

PM Sports

Bolts inilatay ang ika-20 dikit na kamalasan ng Dyip

Russell Cadayona - Pang-masa
Bolts inilatay ang ika-20 dikit na kamalasan ng Dyip
Inatake ni Meralco import Johnny O’Bryant si Lester Prosper ng Terrafirma.
Jun Mendoza

MANILA, Philippines — Humakot si import Johnny O’Bryant ng 31 points at 11 rebounds pa­ra akayin ang Meralco sa 105-92 paggiba sa Ter­rafirma sa 2022 PBA Commissioner’s Cup kahapon sa Smart Araneta Co­liseum.

Ito ang unang panalo ng Bolts matapos ang 0-2 panimula.

Nahulog naman ang Dyip sa ikaapat na sunod na kamalasan para sa 20-game losing slump simula noong 2021 PBA Governor’s Cup.

Nagdagdag si Allein Ma­liksi ng 18 markers at may tig-17 points sina Aaron Black at Bong Quinto para sa Meralco na hinawakan ni assistant coach Luigi Trillo dahil sa pagkakalagay ni coach Norman Black sa PBA health and safety pro­tocols.

“When the ball was moving and there was a bit more flow, I think we were able to operate on the offense. We shared the ball,” ani Trillo.

Humakot si import Les­­ter Prosper ng 35 points, 18 rebounds at 3 blocks sa panig ng Terra­firma.

Nagtuwang sina O’Bryant, Maliksi at Quinto sa paghuhulog ng 17-6 bomba sa fourth quarter para sa 96-82 bentahe ng Bolts.

Hindi na ito napaliit ng Dyip na nakahugot ng tig-11 points kina Juami Tiongson, Javi Gomez de Liaño at Eric Camson.

Sa ikalawang laro, inilista ng guest team na Bay Area Dragons ang 4-0 re­­­cord matapos ang 106-100 panalo sa Converge.

Nagpasabog si import Myles Powell ng 33 points kasama ang da­lawang free throws sa huling 11 segundo.

PBA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with