Suarez, SLP tankers dadalo sa TOPS ‘Usapang Sports’
MANILA, Philippines — Dadalo si World Boxing Association (WBA) Asia super featherweight champion Charly Suarez kasama ang anim na pambato ng Swimming League Philippines (SLP) sa Tabloids Organization in Philippine Sports, Inc. (TOPS) ‘Usapang Sports’ ngayong umaga sa Behrouz Persian Cuisine sa 50 Sct. Tobias-Sct. Fernandez, Timog, Quezon City.
Magbibigay ng update si Suarez para sa kanyang paghahanda sa pagdedepensa ng korona sa lingguhang sports forum na nakatakda sa alas-10:30 ng umaga.
Makakasama niya sa talakayan sina Evenezir Polancos, Albert Sermonia II, Seb Rafael Santos, Jenn Albreicht Sermonia, Saira Janelle Pabellon, at Shinloah Yve San Diego na pinakabagong mga brand ambassadors ng swimming apparel na TYR.
Mula sa iba’t ibang swimming club na nasa ilalim ng SLP sa pamumuno ni Joan Mojdeh, malaking karangalan at dagdag na kasiglahan sa pag-angat ng kani-kanilang career ang pagkakapili para mag-endorso ng TYR brand,
Inaaanyayahan ni TOPS president Beth Repizo-Merana ng Pilipino Star Ngayon ang mga opisyal, miyembro ng organisasyon gayundin ang mga sports enthusiasts na makiisa sa programa na mapapanood via livestreaming sa TOPS Usapang Sports Facebook page at sa Channel 45 ng bagong ilulunsad na PIKO (Pinoy Ako) mobile app channel sa pagtataguyod ng Philippine Sports Commission (PSC), Games and Amusements Board (GAB), Pagcor at Behrouz Persian Cuisine.
- Latest
