James highest-paid player ngayon sa NBA history
LOS ANGELES — Pumayag si LeBron James na pirmahan ang two-year, $97.1 million contract extension para sa 2024-25 season kasama ang Lakers.
Ang 37-anyos na si James na ang highest-paid player sa NBA history dahil sa league-maximum deal na may kasamang player option sa 2024-25 season kung saan maaari niyang makita ang 17-anyos na anak na si Bronny na maging NBA rookie.
Ang bagong kontrata ay nangangahulugan na kikita ang 18-time All-Star ng $46.7 milyon ngayong season.
Hinugot ng Lakers ang four-time NBA Most Valuable Player at four-time league champion noong Hulyo ng 2018.
Kung hindi magkakaroon ng injury ay inaasahang malalampasan ni James si NBA legend Kareem Abdul-Jabbar bilang NBA career scoring king.
Sa pagbubukas ng bagong NBA season sa Oktubre 18 ay lalabanan ni James at ng Lakers si Stephen Curry at ang nagdedepensang Golden State Warriors sa Chase Center.
Makakaharap naman ng reigning Eastern Conference champions na Boston Celtics ang bisitang Philadelphia 76ers sa parehong iskedyul.
- Latest
