Rebanse
Walang isang taon ang lumipas nang nagharap ang TNT at San Miguel Beer sa Game 7 decider upang malaman ang uusad sa finals ng 2021 PBA Philippine Cup.
Sa mainit na three-point shooting nina RR Pogoy, Poy Erram, Ryan Reyes at noo’y super rookie na si Mikee Williams, inilampaso ng Tropang Giga ang mga Beermen at umusad sa title playoff kontra Magnolia Hotshots.
Maaalalang pinatuwad sa playoffs ng TNT ang tatlong SMC teams – Barangay Ginebra, SMB at Magnolia – tungo sa kampeonato.
Ang banggaang TNT-SMB ang lumalabas na parang championship series dahil lopsided ang TNT-Magnolia finale.
At maraming PBA fans ang naghihintay ng rebanse.
Eto na ngayon ang rebanse dahil maghaharap ang Tropa at Beermen sa Season 47 All-Filipino Finals.
May pagbabago sa mixtures dahil kasama na ngayon sa SMB core sina Vic Manuel, Jericho Cruz, Rodney Brondial at Simon Enciso kahalili nina Arwind Santos at Alex Cabagnot.
Walang pagbabago sa TNT lineup.
Ang tanong eh, kung may babawi o uulit.
Magsisimula ang kanilang giyera sa Linggo sa Araneta Coliseum.
At pagkatapos ng kanilang bakbakan, parehong maghahanda sa kanilang kampanya sa East Asia Super League inaugural tourney, hahabol sa $1 million grand prize.
- Latest