2 UST players lilipat sa UE
MANILA, Philippines — Dalawang players ng University of Santo Tomas (UST) ang lulundag sa kampo ng University of the East (UE).
Ito ay sina Gani Stevens at Willie Wilson na hinihintay na lamang ng Red Warriors na mag-enroll bago opisyal na ihayag ang kanilang pagpasok sa tropa.
Parehong produkto sina Stevens at Wilson ng Minneapolis North High School.
Kaya naman malaki ang maitutulong nito sa kampanya ng Red Warriors sa UAAP men’s basketball tournament.
Naglaro na sina Stevens at Wilson suot ang Growling Tigers jersey sa preseason tournament.
Kasama sina Stevens at Wilson sa ratsada ng UST sa PBA D-League.
Nagtala si Stevens ng averages na 3.7 points at 4.8 rebounds habang may 5.5 points, 1.5 rebounds at 1.3 assists naman si Wilson.
- Latest