Semis spot paglalabanan ng Tigers at Saints
MANILA, Philippines — Pag-aagawan ng No. 3 Adalem Construction-St. Clare at No. 6 Builders Warehouse-UST ang ikaapat at huling semifinals seat sa 2022 PBA D-League Aspirants’ Cup sa Smart Araneta Coliseum.
Nakatakda ang ‘do-or-die’ quarterfinals game ng Saints at Growling Tigers ngayong alas-11 ng umaga.
Pinuwersa ng Builders Warehouse-UST ang Adalem-St. Clare, may bitbit na ‘twice-to-beat’ advantage, sa ‘sudden death’ matapos kunin ang 98-93 panalo tampok ang 35 points ni rookie Kean Baclaan.
Ang mananalo ang lalaban sa No. 2 EcoOil-La Salle sa isang best-of-three semifinals series.
“St. Clare is a champion team kaya hindi kami puwedeng mag-relax,” wika ni Growling Tigers interim coach Albert Alocillo “Ipagpapatuloy lang namin iyong trabaho at magpe-prepare lang kami.”
Pilit namang kakalimutan ng Saints ni coach Jinino Manansala ang nasabing kabiguan.
Muling aasahan ng Builders Warehouse-UST sina Baclaan, Sherwin Concepcion at Nic Cabanero katapat sina NAASCU MVP Johnsherick Estrada, Joshua Fontanilla at John Rojas ng Adalem-St. Clare.
- Latest
