Ayo pinalitan si Cariaso sa FiberXers
MANILA, Philippines — Dadalhin ni two-time college champion coach Aldin Ayo ang kanyang pamosong ‘Mayhem’ defense sa Converge sa darating na 2022 PBA Commissioners Cup simula sa Oktubre 2.
Ito ay matapos niyang palitan si Jeffrey Cariaso bilang head coach ng FiberXers.
Ang nasabing depensa ang ginamit ng 44-anyos na si Ayo sa paggiya sa Letran Knights sa NCAA crown noong 2015 at sa De La Salle Green Archers sa UAAP title noong 2016.
Makakasama ulit ng dating Letran guard sa kampo ng FiberXers sina Jeron Teng at Abu Tratter na hinawakan niya sa La Salle team.
Matapos sa Knights at Green Archers ay giniyahan ni Ayo ang UST Growling Tigers noong 2018 bago nagbitiw sa puwesto noong 2020 matapos ang kontrobersyal na “Sorsogon bubble.”
Naging coach din ang tubong Sorsogon ng Muntinlupa at Bicol teams sa MPBL.
- Latest
