Trabaho lang
Patuloy ang dating ng playing offers para sa mga Pinoy cagers na Iumaro sa pro leagues abroad.
Latest na puntirya si FEU super rookie RJ Abarrientos kasunod ang bahagyang naunang offer kay Ateneo guard SJ Balangel mula sa Korean league.
Naunang namitas ng mga Filipino basketball talents ang Japan B.League at kasama sa nailabas mula sa local leagues sina Thirdy Ravena, Bobby Ray Parks, Dwight Ramos, Kiefer Ravena at iba pa.
Malamang na marami pang kasunod.
Parehong nakukuhanan ng mga players ang PBA at ang mga collegiate leagues.
Hindi puwedeng magreklamo ang PBA dahil karapatan ng mga manlalaro na mag-entertain at tumanggap ng magandang oportunidad kagaya ng mga Filipino doctors, nurses, teachers at iba pa na mabili abroad.
Walang ibang option kung hindi palakasin ang ating ekonomiya, palakasin ang ating bayan upang maging competitive at mapigil ang pangingibang bayan ng ating mga kababayan sa paghanap ng mas magandang ikabubuhay.
Hindi madali ang kanilang ginagawa dahil kailangan nilang lumayo sa kanilang mga pamilya sa pagkuha ng mas magandang ganansya.
Hindi sila dapat pagtampuhan.
Narito ang gaya nina Ateneo coach Tab Baldwin at interim Gilas coach Nenad Vucinic na walang dudang habol din ang ganansya kapalit ang pag-share ng kanilang talent sa Philippine basketball.
Ika nga di Daboy: Walang personalan, trabaho lang.
- Latest
