^

PM Sports

La Salle reresbak sa UE

Nilda Moreno - Pang-masa

MANILA, Philippines — Sisikapin ng De La Salle University  na kalsuhan ang two-game skid sa pag­­harap nila sa naghi­hi­nga­long University of the East  sa UAAP Season 84 wo­men’s volleyball tournament ngayong alas-12 ng tanghali sa SM Mall of Asia Arena sa Pasay City.

Natalisod ang Lady Spi­kers kamakalawa ng gabi kontra University of Santo Tomas Golden Tigresses, 24-26, 25-22, 27-25, 23-25, 12-25, nalasap nila ang pangalawang sunod na kabiguan.

Tangan ang 2-2 record, huhugot ng puwersa ang Taft-based squad, DLSU kina rookie Alleiah Mala­l­uan, Jolina Dela Cruz at Thea Gagate para panain ang pangatlong panalo.

Bagama’t nakapagtala si Malaluan ng 26 mar­kers, 22 excellent receptions at 18 digs ay hindi ito sumapat para katayin ang UST kaya kailangan ay mas pag-igihan pa ang laro para makuha ang ina­asam na panalo.

Samantala, ang ibang na­katokang magbakba­kan ay ang Far Eastern University Lady Tamaraws at Adamson Lady Falcons sa alas-10 ng uma­ga; UST Golden Tigresses laban sa NU Lady Bulldogs sa alas-12 ng tanghali at UP Figh­ting Maroons kontra sa Ateneo Blue Eagles sa alas-6 ng gabi.

UAAP

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with