ASEAN Para Games sasaluhin ng Indonesia

MANILA, Philippines — Ang Indonesia ang posibleng sumalo sa pagho-host ng ASEAN Para Games sa susunod na taon matapos bumitaw ang Vietnam dahil sa coronavirus disease (COVID-19) pandemic.

Inendorso kahapon ng ASEAN Para Sports Federation (APSF) ang official withdrawal ng Vietnam bilang host ng nasabing biennial meet sa idinaos na online meeting ng board of governors.

Nauna nang umatras ang Pilipinas sa pamamahala sa ASEAN Para Games noong nakaraang taon dahil sa pandemya,

Nagsumite na ang Indonesia ng kanilang proposal at binigyan ng hanggang sa pagtatapos ng 2021 para magbigay ng mga kinakailangan pang mga dokumento.

Magdedesisyon ang APSF Board sa Enero 14 para sa bagong host ng 2022 ASEAN Para Games.