_pang-masa
^

PM Sports

Orcollo, Chua umusad sa 5th round ng US 9-Ball Championships

Chris Co - Pang-masa

MANILA, Philippines — Pasok sa fifth round sina dating world champion Dennis Orcollo at Johann Chua matapos magtala ng dalawang sunod na panalo sa 2021 US Open 9-Ball Pool Championship na ginaganap sa Harrah’s Resort sa Atlantic City.

 Matikas na pinataob ni Orcollo sina Corey Deuel ng Amerika (11-1) sa third round at Alex Kazakis ng Greece (11-3) sa fourth round para umabante sa susunod na yugto ng torneong may nakalaang $50,000 para sa magkakampeon.

 Hindi rin maawat si Chua na namayani kina Christopher Lawson ng Amerika (11-5) sa third round at Pijus Labutis ng Lithuania (11-6) sa fourth round.

 Sunod na makakasagupa ni Orcollo si Oliver Szolnoki ng Hungary habang titipanin ni Chua si Mieszko Fortunski ng Poland sa kanya-kanyang fifth-round matches.

Hindi naman pinalad ang iba pang Pinoy cue masters na isa-isang yumuko sa kanilang mga laban para mahulog sa mas mahirap na losers’ bracket.

Talo si Carlo Biado kay David Alcaide ng Spain (5-11) habang tumupi rin si Roberto Gomez laban kay Fedor Gorst ng Russia (6-11) at ligwak din si Filipino-Canadian Alex Pagulayan kontra naman kay Toh Lian Han ng Singapore (8-11).

Makakasama nina Biado, Gomez at Pagulayan sa losers’ bracket sina Roland Garcia, Jeffrey De Luna, Jeffrey Ignacio, James Aranas at Warren Kiamco.

DENNIS ORCOLLO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with