Gilas tinambakan ang Saudi Arabia
MANILA, Philippines — Tinambakan ng Gilas Pilipinas ang Saudi Arabia, 77-62, upang makabawi agad sa 2021 King Abdullah Cup kamakalawa ng gabi sa Prince Hamza Hall sa Amman, Jordan.
Bumida si Justine Baltazar sa naita-lang 16 puntos para sa Nationals na naipagpag ang 63-70 kabiguan kontra sa Egypt para umangat sa 1-1 kartada sa six-team pocket tournament.
Nagdagdag din ng tig-10 markers sina naturalized player Ange Kouame at Isaac Go habang may walo at pitong puntos na ambag sina Dave Ildefonso at Dwight Ramos, ayon sa pagkakasunod.
Naglista naman ng 18 puntos si Mohammed Alsuwailem para sa Saudi Arabia na nalaglag sa 0-2 baraha matapos ang 81-91 kabiguan sa Jordan Team A.
Kalaban ng Gilas ang Jordan Team B (0-1) as of presstime.
Talo ang Jordan B sa Egypt, 94-67, kamakalawa.
Bahagi ang King’s Cup ng mahabang paghahanda ng Gilas para sa FIBA Asia Cup na naurong sa susunod na taon mula sa orihinal na petsang Agosto 17-29 sa Indonesia.
- Latest