Diskarteng Antetokounmpo

MILWAUKEE — Kumpara sa ibang superstars na lumilipat ng koponan at nakikipagtambal sa isa pang superstar para sa hangaring makamit ang NBA title, iba ang diskarte ni Giannis Antetokounmpo.

“I could go to a superteam and just do my part and win a championship,’’ sabi ng 26-anyos na si Antetokounmpo hawak ang Larry O’Brien trophy at ang kanyang NBA Finals MVP trophy matapos sibakin ang Phoenix Suns sa Game Six ng NBA Finals kamakalawa. “But this is the hard way to do it and this is the way to do it. And we did it,” dagdag ng two-time NBA MVP.

Inihatid ng Greek player ang Bucks sa una nilang NBA crown matapos ang 50 taon mula sa 4-2 pagligpit sa Suns sa kanilang best-of-seven championship series.

Mas pinili ni Anteto-kounmpo na manatili sa Milwaukee na sumugal sa kanya walong taon na ang nakalilipas.

Kinuha siya ng Bucks bilang 15th overall pick sa NBA Draft kung saan hindi siya binigyang pansin ng ibang NBA teams.

Sa postgame news conference ay naubos ang oras niya sa pagpapasalamat sa mga taong nakatulong sa kanya kung nasaang estado man siya ngayon naroroon.

“I can disconnect myself from the world because I want this so bad. I wanted this so bad, and I was able to get it. That’s why I was tearing up,” ani Antetokounmpo. “But people helped me to be in this position. I didn’t do it by myself. Every freaking day, people helped me.”

Matapos makapagpahinga ay agad mag-eensayo ang Milwaukee team para sa back-to-back NBA championship.