Valdez ika-12 Pinoy qualifier sa Tokyo Olympics
MANILA, Philippines — Umabot na sa 12 ang mga national athletes na magdadala sa laban ng Pilipinas sa 2021 Olympic Games sa Tokyo, Japan.
Ito ay matapos mabigyan si national shooter Jayson Valdez ng Olympic ticket mula sa ipinatupad na quota system ng International Shooting Sports Federation (ISSF).
Ayon sa ISSF, nagpaputok ang 25-anyos na si Valdez ng sapat na minimum qualifying scores (MQS) mula sa mga sinalihang World Cup at Asian qualifying tournaments..
Sasalang si Valdez sa men’s air rifle 10-meter event ng 2021 Tokyo Olympics na nakatakda sa Hulyo 23 hanggang Agosto 8.
Si Paul Brian Rosario ang huling shooter na naisabak ng bansa sa Olympics bilang wild card entry sa men’s skeet event noong 2021 edition sa London.
Ang iba pang qualifiers ay sina weightlifters Hidilyn Diaz at Elreen Ando, skateboarder Margielyn Didal, gymnast Carlos Edriel Yulo, pole vaulter Ernest John Obiena, taekwondo jin Kurt Barbosa, rower Cris Nievarez at boxers Eumir Felix Marcial, Irish Magno, Nesthy Petecio at Carlo Paalam.
- Latest
