Mabigat ang laban sa FIBA OQT

MANILA, Philippines — Masusubukan ang lakas ng Gilas Pilipinas dahil daraan ito sa dalawang- sunod na laro sa FIBA Olympic Qualifying Tournament na idaraos sa Hunyo 29 hanggang 30 sa Belgrade, Serbia.

Sa inilabas na sche-dule ng FIBA, unang sasalang ang Gilas Pilipinas sa alas-2:15 ng umaga sa Hulyo 1 (oras sa Maynila) kung saan makakasagupa nito ang host Serbia.

Haharap ang bagitong Gilas squad sa veteran Serbian team na babanderahan nina NBA stars Bogdan Bogdanovic, Boban Marjanovic at Aleksej Pokusevski.

Agad itong susundan ng laban ng Gilas kontra sa Dominican Republic sa alas-2:15 ng umaga sa Hulyo 2 (oras sa Maynila)

Magkakasama ang Pilipinas, Serbia at Dominican Republic sa Group A.

Maghaharap ang Serbia at Dominican Republic sa  alas-2:15 ng umaga sa Hunyo 30 (oras sa Maynila). Gaganapin ang mga laro sa Aleksandar Nikolic Hall.

Kasalukuyang sumasabak ang Gilas Pilipinas sa FIBA Asia Cup Qualifiers sa Clark, Pampanga at pagkatapos nito ay diretso na sa Serbia.