Bryant, iba pa sa Hall of Fame
UNCASVILLE, Connecticut — Opisyal nang iniluklok ang namayapang si Kobe Bryant at iba pang miyembro ng 2020 Class sa Naismith Memorial Basketball Hall of Fame kahapon.
Si Bryant, nakasama sina NBA legends Tim Duncan at Kevin Garnett sa 2020 Class, ay kinatawan ng kanyang asawang si Vanessa at sinamahan ni Michael Jordan na siyang nagluklok sa five-time NBA champion.
Binasa ni Vanessa ang kanyang speech para kay Bryant na namatay sa isang helecopter crash sa Calabasas, California kasama ang kanilang anak na si Gigi at pito pa noong Enero ng 2020.
“Congratulations baby, all of your hard work and dedication paid off. You did it, you are in the Hall of Fame now,” sabi ni Vanessa. “Kobe’s most cherished accomplishment was being the very best girl dad.”
Kasama nina Bryant, Duncan at Garnett sa 2020 Class sina coaches Eddie Sutton at Rudy Tomjanovich, WNBA legend Tamika Catchings, three-time NCAA National Championship coach Kim Mulkey, five-time Division I National Coach of the Year Barbara Stevens at longtime FIBA executive Patrick Baumann.
- Latest
