Lalarga na uli ang karera
MANILA, Philippines — Pinutakte ng komento ng mga karerista ang Facebook page ng horse racing matapos malaman na tatakbo na ng karera ngayon sa Metro Turf sa Malvar-Tanauan City, Batangas.
Walong karera ang ikinasa ng Metro Manila Turf Club, Inc. (MMTCI) at kasama sa mga aabangan ay ang mga carry over sa Pick 5 at Winner Take All, (WTA).
Tiyak na hihintayin din ng mga karerista ang Race 4 kung saan tatakbo ang tigasing Troubadour sa ilalargang Condition Merge race.
Inaasahang mapapalaban ng todo ang Troubadour dahil mahuhusay din ang anim na kalahok.
Sasakyan ni former Philippine Sportswriters Association (PSA) Jockey of the Year awardee Patty Dilema ang Troubadour na inaasahang magiging top favorite sa laban kung saan makakasagupa nito ang Spandau Ballet, Gomper Girl, Box Office, Eugine Onegin, Sooner Time at Sailing Along.
Samantala, may carry over na P191, 349. 36 sa Pick 5, may P251, 510.13 sa WTA na ilalarga sa Race 1 at 2 ayon sa pagkakasunod.
- Latest
