Sarno susunod sa yapak ni Diaz
MANILA, Philippines — Sa kanyang posibleng pinakahuling kampanya sa Olympic Games ay kumpiyansa si Hidilyn Diaz na mayroong mga susunod sa kanyang yapak.
Isa na rito ang 17-an-yos na si Vanessa Sarno na bumuhat ng dalawang gold at isang silver medal sa women’s 71-kilogram division ng Asian Weightlifting Championships sa Tashkent, Uzbekistan.
“Congratulations Va-nessa Sarno,” sabi ng 2016 Rio de Janeiro Olympics silver medalist na si Diaz na sasabak sa women’s 55kg class sa 2021 Olympics sa Tokyo, Japan sa Hulyo 23 hanggang Agosto 8.
Nagtala ang 2019 Asian juniors champion na si Sarno ng 128kg sa clean and jerk at total lift na 229kg para angkinin ang dalawang gintong medalya habang tumipa siya ng 101kg para sa pilak na medalya sa snatch.
“With just her second international competition, she is primed to be the next big thing from the Philippines,” sabi ni Julius Naranjo, ang coach ni Diaz. “She’s a humble and hard working athlete with her potential through the roof.”
Sinapawan ni Sarno si 2016 Rio de Janeiro Olympian Gulnabat Kadyrova ng Turkmenistan na sinikwat ang gold medal sa snatch (102kg), silver sa total lift (223kg) at bronze sa clean and jerk (121kg).
Hindi kasama ang 71kg category sa mga weight divisions na lalaruin sa Tokyo Olympics.
Naniniwala naman si Samahang Weightlifting ng Pilipinas (SWP) president Monico Puentevella na isa ang tubong Tagbilaran City, Bohol sa mga maaaring maging Olympic qualifier para sa 2024 Paris Olympics.
Nauna nang kumuha ng tatlong silver medals si Mary Flor Diaz sa wo-men’s 45kg category habang may dalawang silver at isang bronze si Elreen Ando sa women’s 64kg division ng nasabing Asian meet na magwawakas sa Abril 25.
- Latest
