Thompson may signature shoes na
MANILA, Philippines — Nakatakdang magkaroon ng sariling signature shoe line si Barangay Ginebra star Scottie Thompson matapos pumirma ng major deal sa sneaker brand na World Balance.
Inanunsyo ng kumpanya ang pagpili kay Thompson bilang pinakabagong endorser nito kamakalawa bilang pagkilala sa patuloy na pag-angat ng Gin Kings guard sa isa sa pinakamaninging at pinakamatagumpay na manlalaro sa bansa ngayon.
“Thompson caught our attention largely thanks to his court tenacity, rebounding prowess, and versatile play on both ends of the court, as well as his challenger mindset of grit and hard work, which makes him a natural fit for World Balance,” ani CHG Global Inc., President Barny Chong na siyang namamala ng WB.
“We are thrilled to add him to our WB family, and we can’t wait to collaborate with him in bringing an exclusive collection to the market.”
Sinundan ng dating NCAA MVP mula sa Perpetual Help ang yapak ni Crispa legend Philip Cezar, na siyang unang naging ambassador ng naturang Filipino sneaker brand.
Ang WB deal na ito ang pina-kabagong biyaya sa makulay na PBA career ni Thompson tampok ang limang kampeonato, Finals MVP, Sportsmanship, Mythical Team at All-Star citation matapos maging No. 5 pick ng 2015 draft.
Ngayong papalapit na PBA Season 46 ay ipapamalas ni Thompson ang world-class performance shoes at apparel ng WB habang ang kanyang unang signature shoe ay inaasahang lalabas “in the near future.”
“It was only just a dream. Scottie Thompson 1 (ST1) coming out soon. Thank You Lord,” aniya.
- Latest
