3-point shot gawing2.5-points na lang?
Mula sa larong ratratan sa takbuhan at barakuhan sa ilalim, pansin na nag-evolve na sa three-point shooting contest ang basketball – partikular ang NBA game.
Ratsada ang mga gaya nina Steph Curry, Damien Lillard at James Harden. At on track ang NBA na magtala ng record sa three-point attempts sa ika-sampung sunod na season.
Ibig sabihin, talagang tirada sa malayo ang labanan sa NBA ngayon.
Liban sa Los Angeles Lakers at Philadelphia Sixers, ang mga nangungunang NBA teams ay ang mga nauuna rin sa three-point percentage at three-point attempts per game.
Sa panayam sa “Rights to Ricky Sanchez” podcast, nagpahayag si Sixers president of basketball operations Daryl Morey ng pangamba na nagiging one-dimensional ang laban para manalo sa NBA.
Ang kanyang suhestiyon ay tapyasan ang value ng three-point shot.
“There’s so many more people who can shoot 3s wide-open than there are who can be efficient 15 feet and in. So ... it’s just too big of a bonus, right? You wanted the 3-pointer so people would have to space the floor and get more dynamic play, which has worked, but they just gave it too much, you know. It should be two-and-a-half (points), I mean that’s really the bottom line,” ani Morey.
“If you have Joel Embiid and Ben Simmons, and even Tobias (Harris) who’s an elite sort of 15-foot-and-in player, you know, you can still win that way, but it’s just so rare,” dagdag pa niya sa pagdiin sa pagiging predictable ngayon ng NBA game.
Mukhang mabigat ang kanyang suhestiyon at daraan sa butas ng karayom upang mai-patupad.
- Latest
