Nagparamdam si Mayweather
MANILA, Philippines — Dalawang beses binisita ni undefeated American fighter Floyd Mayweather Jr. si Hall of Famer Freddie Roach sa Wild Card Gym sa Hollywood, California.
Ito ang inihayag kamakailan ni Roach na tingin niya ay posibleng nagpapahiwatig para sa blockbuster rematch kay eight-division world champion Manny Pacquiao.
“Mayweather has been to my gym a couple of times. I saw him at a restaurant in LA one time. He took pictures with my friends, and he was very polite and amiable,” ani Roach sa On The Ropes.
Naniniwala si Roach na wala namang balak si Mayweather na magsanay sa kanyang pamosong gym dahil may sarili itong pasilidad at team. Kaya’t malaki ang kutob ni Roach na tila nagpaparamdam ito sa Pacquiao camp.
“He doesn’t want me to be his trainer. I don’t think. But I thought maybe it was for him and Manny to get together one more time,” ani Roach na walang problema kung magkakaroon ng rematch.
Sa katunayan, gigil na gigil si Pacquiao na ma-karesbak kay Mayweather.
Una nang sinabi ni Roach na hindi ito masaya sa naging performance ni Pacquiao sa unang pagharap nito kay Mayweather dahil sa shoulder injury. “I still was a little disappointed in Manny’s performance. But now he’s one hundred percent. I think that at one hundred percent capacity, he will destroy him,” ani Roach.
Dedma naman si Pacquiao na tuloy lang sa training para sa pagbabalik-aksiyon nito matapos ang mahigit isang taong pagkakatengga.
- Latest
