Philippine karatekas pa-Turkey
MANILA, Philippines — Magtutungo ang national karatedo team sa Istanbul, Turkey sa Marso 15 para sa kanilang two-month training camp bilang paghahanda sa qualifying tournament ng 2021 Olympic Games.
Pamumunuan ni 2019 Southeast Asian Games gold medalist Jamie Christine Lim ang koponan kasama sina Ivan Agustin, Shariff Afif, Alwyn Batican at Jason Macaalay.
Si 2019 SEA Games gold medal winner Janna Tsukii ay didiretso na sa Istanbul mula sa kanyang pagsasanay sa Japan.
Nakatakda sa Hunyo sa Paris, France ang qualifying tournament para sa 2021 Olympics, gagawin sa Tokyo, Japan sa Hulyo 23 hanggang Agosto 28, .
“They’re (organizers) gonna take the medalists sa top four. Isang gold, silver at dalawang bronze tapos magra-round robin sila and they’ll get the top three,” sabi ng 22-anyos na si Lim na inangkin ang gold medal sa women’s +61-kilogram event ng 2019 SEA Games.
- Latest