Fil-Aussie netter gustong makatambal si Eala
MANILA, Philippines — Umaasa si Fil-Aussie professional netter Lizette Cabrera na isang araw ay makakatambal niya si Pinay tennis sensation Alex Eala sa isang doubles tournament.
“Hopefully, we get to play doubles together — showcase Filipinos and what we bring to the table,” sabi ng 23-anyos na si Cabrera sa 15-anyos na si Eala. “At 15, she’s at that level, she could only go up from there.”
Kumakampanya si Cabrera, anak ng dalawang Pinoy at kinakatawan ang Australia sa mga torneo, sa Women’s Tennis Association (WTA) tours bilang No. 141 ranked player.
Noong Pebrero ay umakyat naman si Eala sa No. 763 mula sa pagiging No. 903 matapos ang impresibong ipinakita sa mga nilahukang women’s pro singles tournaments sa Spain at France.
“I think she’s already on an amazing track. Being able to train at Rafa Nadal’s academy, I’m sure she’s getting amazing help there,” ani Cabrera, naglalaro sa Australian Open at US Open, kay Eala na kumopo ng una niyang women’s pro title nang magwagi sa first leg ng three-leg W15 Manacor ITF Rafa Nadal Academy World Tennis Tour noong Enero. “She’s already ranked 700 and she’s only 15. She can only really go up from here.”
- Latest
