Flopping
Biglang bumalik sa aking isip ang Philippine-Greece match noong 2014 FIBA World Cup dahil sa warning na ibinigay kina LeBron James at Kyle Kuzma sa kanilang laban kontra sa Memphis noong nakaraang araw.
Sina LeBron at Kuzma ay nabigyan ng warning “for flopping.”
Sa Philippine-Greece match, dikit sa laban ang Gilas pero bumigay dahil sa technical fouls na naitawag sa mga Pinoy dahil sa flopping.
Mahigpit ang FIBA sa pagpapatupad ng anti-flopping rule.
Ang rule na ito ay laban sa mga players na nag-iinarte sa konting bangga (o kahit na walang contact) para magoyo ang mga referees na tumawag ng foul.
Parte ng PBA ang rule na ito pero madalang ipatupad. Ibig sabihin pinapabayaan ang mga players na bagsak nang bagsak sa court o higa nang higa kahit walang malakas na collision.
Isa ito sa mga batikos ng “LeBron haters” sa NBA superstar. Flopper daw si LeBron kaya’t umaani ng maraming free throws.
Kontra sa Grizzlies, nasa pagitan si LeBron ng dalawang Memphis players nang bumitaw ng tira si Anthony Davis mula sa kabilang side ng court.
Biglang nagpatihaya si LeBron at gulantang ang Memphis player na tinawagan ng foul.
Pero pinansin na si LeBron ng liga. Tinawag ang kanyang atensyon: Warning for flopping.
- Latest