FIBA qualifiers cancelled

MANILA, Philippines — Kanselado ang ikatlo at huling window ng 2021 FIBA Asia Cup Qualifiers sa Clark, Pampanga sa susunod na buwan dahil sa umiiral na travel bans bunsod ng bagong COVID-19 variant, ayon sa anunsyo ng Samahang Basketbol ng Pilipinas (SBP) kahapon.

“We’ve exerted a lot of effort into our hosting of the upcoming FIBA Asia Cup Qualifiers and this is why it is with great sadness that we announce it is no longer going to happen,” ani SBP president Al Panlilio. “The new strains of the CO-VID-19 virus have severely affected travel all around the world and the Philippines was not exempted from it.”

Bunsod ng mas nakakahawang COVID-19 strain, may umiiral na travel restriction sa Pilipinas mula pa noong nakaraang buwan na tatagal hanggang sa katapusan ng Enero at wala pang kasiguruhan kung kailan ito tatanggalin.

Nakatanggap ang SBP ang abiso na walang anomang exemptions sa travel restrictions na dahilan ng third window cancellation.

Nakatakda sana ang torneo sa loob ng bubble sa Clark, Pampanga sa Pebrero 18-22 kung saan kasama ng Gilas Pilipinas ang South Korea, Thailand at Indonesia sa Group A qualifier habang Guam, Hong Kong, Australia at New Zealand sa Group C.

Ililipat din sa Qatar ang  Group B at E qualifiers habang wala pang bagong host para sa Group A at C mula sa Pilipinas. Sa Bahrain ang Group D at F.