Maganda ang laban sa Race 1
MANILA, Philippines — Inaasahang mapapalaban ang Line Them Up, Fort McKinley at Storm Bell sa race 1 kontra sa ibang kalahok ngayong araw sa Santa Ana Park sa Naic, Cavite kung saan kukubrahin ng mananalong kabayo ang P40,000 premyo sa event na may distansyang 1,300 meter.
Ayon sa mga komento ng karerista sa facebook page ng karera, pahirapan pa rin sa pagpili kahit pitong kabayo lang ang tatakbo. Ang ibang kalahok ay ang Tool Of Choice, Runawayfromrosenot, Hookbung Dagat at Courageous.
Sisiluhin ng second placer ang P10,000 habang P5,000 ang ibubulsa ng pangatlong puwesto sa nasabing karera na suportado ng Philippine Racing Commission.
- Latest