Davis pumirma na rin sa Lakers
LOS ANGELES — Matapos si LeBron James ay si Anthony Davis naman ang binigyan ng ma-laking kontrata ng 2020 NBA champions Lakers.
Pumayag ang 6-foot-10 na si Davis sa alok na five-year, $109 million deal ng Lakers para sa posibleng back-to-back championship sa darating na season na magsisimula sa Disyembre 22.
Kamakalawa ay lumagda si James sa two-year, $85 million contract extension para sa 17-time NBA champions hanggang sa 2022-2023 season.
Nagtambalal sina James at Davis para akayin ang Lakers sa pagkopo sa NBA championship matapos talunin ang Miami Heat, 4-2 sa nakaraang NBA Finals sa ‘bubble’ sa Orlando, Florida.
“Those are great contracts, and they’re well-deserved,” wika ni veteran Lakers forward Markieff Morris mula sa opening workouts ng kanilang training camp. “It’s a big family, and it worked out the best for everybody.”
Nauna nang hinugot ng Lakers sina NBA veterans Marc Gasol at Montrezl Harrell at pinakawalan sina Dwight Howard at JaVale McGee habang idinadag rin sina point guard Dennis Schröder at Wesley Matthews.
Sa Denver, pinapirma ng Nuggets si forward Paul Millsap ng one-year deal.
Sa kanyang tatlong seasons sa Denver ay nagtala ang 35-anyos na si Millsap ng mga averages na 12.8 points, 6.6 rebounds at 2.1 assists sa 159 games.
Tinulungan ng 14-year NBA veteran ang Nuggets na makapasok sa Western Conference Finals sa unang pagkakataon matapos noong 2008-09.
Nabitawan naman ng Denver sina key frontcourt players Jerami Grant at Mason Plumlee sa free agency.
- Latest
