Mahigpit na protocols sa POC elections

MANILA, Philippines — Mahigpit na health at safety protocols ang ipatutupad ng Philippine Olympic Committee (POC) sa kanilang idaraos na eleksyon bukas ng hapon sa East Ocean Restaurant sa Macapagal Avenue sa Pasay City.

Ayon kay POC incumbent president Abraham “Bambol” Tolentino ng cycling, nakalatag na ang mga gagawing proseso sakaling magkaroon ng coronavirus disease (COVID-19) positive.

“Kapag nag-positive ka you will just be separated. For the voters, you will be separated. Doon ka na bibigyan ng balota, kukunin na ‘yung ballot mo. So ida-drop na iyon ng EleCom (election committee) doon,” wika ni Tolentino. “For non-voters, definitely baka pauwiin ka na. Dahil meron ding ambulance doon,,” dagdag pa nito.

“After antigen (test), ang kasunod noon you will be recommened to have the RT-PCR (test), iyon ang final. Kasi when you’re positive on antigen, siguro positive ka rin doon sa swab,” wika ni Tolentino. “It’s either if you’re asymptomatic sa bahay ka if you’re allowed or doon ka sa (quarantine) facility,” sabi ng POC head. “At your own na iyon. Hanggang doon lang tayo sa antigen at tsaka sa election.”

Samantala, pipilitin naman ni Tolentino na ma-bigyan din ng bakuna sa COVID-19 ang mga 2021 Olympic Games hopefuls.

“Of course, iyong mga paalis na, talagang pipilitin natin ‘yan. Ila-lobby natin na mauna ‘yong mga paalis na whether they will train abroad for Olympics or qualifying tournament abroad for Olympics too. Iyon ang napakaimportante,” wika ni Tolentino.

Sina pole vaulter Ernest John Obiena, gymnast Carlos Edriel Yulo at boxers Irish Magno at Eumir Felix Marcial ang mayroon nang Olympic berth.

Naghahangad rin ng tiket para sa 2021 Tokyo Olympics sina Hidilyn Diaz ng weightlifting, 2018 Asian Games gold medal winner Margielyn Didal ng skateboarding, lady boxer Nesthy Petecio at Fil-Japanese judoka Kiyomi Watanabe.