Athletics bubble go-signal na lang ang hinihintay
MANILA, Philippines — Ang ‘go signal’ na lamang ng Inter-Agency Task Force (IATF) ang kailangan ng Philippine Athletics Track and Field Association (PATAFA) para sa planong ‘bubble’ training sa New Clark City sa Capas, Tarlac.
Sa Philippine Sportswriters Association (PSA) Forum webcast edition kahapon ay sinabi ni PATAFA president Philip Ella Juico na nagkasundo na sila ng Bases Conversion and Development Authority (BCDA) para sa gagami-ting health at safety protocols sa nasabing ‘bubble’. “We met with the BCDA and we agreed on the protocols. It will be submitted to the IATF and we have submitted it also to the Philippine Sports Commission (PSC),” aniya.
Humugit-kumulang 20 national athletes ng PATAFA ang ipapasok ni Juico sa nasabing training ‘bubble’ na karamihan ay mga gold medalists sa nakaraang 30th Southeast Asian Games noong Disyembre.
“It will be a bubble like what the NBA used also,” ani Juico. “It will really be a strict bubble and it will easier to implement because the Athlete’s Village is just a few steps away from both the athletics stadium and the warm-up track.”
Plano ng PATAFA na buksan ang training ‘bubble’ sa New Clark City sa Enero 16 bago ang kanilang pagdaraos ng Ayala Philippine Athletics Championships sa Marso 19-21.
Samantala, patuloy naman ang pagsasanay ng mga Olympic Games hopefuls na sina Fil-Ame-rican sprinters Kristina Knott at Eric Shaun Cray, pole vaulter Natalie Uy, thrower William Morrison III at marathoner Christine Hallasgo sa US.
- Latest
