False Positive case sa PBA bubble

CLARK, Pampanga, Philippines — May nagpositibong re-feree sa swab test sa PBA bubble sa mandatory RT-PCR tuwing ikalawang linggo noong Sabado pero nang gamitan nang antigen test  ay nagnegatibo ito.

Sa opisyal na pahayag ng liga, tanging ang resulta ng naturang game official lamang mula sa 16-man pool referees ang lumabas na positibo  na ayon sa PBA ay isang kaso ng ‘false positive.

Nauna nang nag-negatibo sa COVID-19 ang game official sa tatlong beses na test bago ang 45th Season reboot. Dalawang beses ginawa ang test bago pumasok sa bubble at isa pa ulit pagpasok sa Clark bubble.

Asymptomatic ang referee at dinala agad sa Athletes’ Village sa Capas, Tarlac para sa 14-days quarantine kung saan sasalang ulit siya sa isang pang swab test upang masiguro ang resulta habang nasa strict isolation ang walong re-ferees na close cotact nito na sasailalim din sa swab test. Magsu-swab test uli ang kanyang mga contacts sa Oktubre 24.

Dahil dito, mas mahigpit ngayon ang protocols at regulations sa loob ng PBA bubble upang masiguro ang kaligtasan ng lahat.

“Unnecessary gathe­rings outside of team practices are also prohibited. As part of restriction, all activities (swimming, gym, jogging etc.) were temporarily suspended for the decontamination of the bubble facilities. Suspension of activities will be lifted Thursday,” saad ng PBA na tiniyak ang kaligtasan ng 350-strong delegation dito. “As announced earlier, all games are allowed to continue as scheduled but with stricter measures at the Quest Hotel and Angeles University Foundation Arena. The continued cooperation of all participants is key in ensuring that the resumption of PBA’s 45th Season is safe and COVID-free..”

Sumailalim na sa disinfection ang buong Quest Hotel sa Mimosa Leisure State at ang SMART 5G-powered Angeles University Foundation Sports and Cultural Center na main bubbles ng PBA sa dalawang buwang Philippine Cup restart nito.