Isa pang golfer may chance sa Olympic ticket
MANILA, Philippines — Bukod kay Yuka Saso, malaki rin ang tsansa ni Pinay golfer Bianca Pagdanga-nan na makapagbulsa ng tiket para sa 2021 Olympic Games sa Tokyo, Japan.
Dahil sa kanyang joint ninth-place finish sa una niyang LPGA major ay umakyat ang 22-anyos na si Pagda-nganan sa No. 47 spot sa pinakabagong Olympic race rankings at naungusan ang kababayang si Dottie Ardina na naiwanan sa No. 54.
Kasalukuyan namang nakaupo si Saso sa No. 30 sa Olympic rankings.
Nakuha ng 19-anyos na Fil-Japanese golfer ang nasabing posisyon base sa mga panalo niya sa mga LPGA Japan Tour na 2020 NEC Karuizawa 72 at Nitori Ladies Golf Tournament.
Magkakaroon ng 60-player field sa 2021 Tokyo Olympics kung saan hangad nina Saso at Pagdanganan na makapuwesto.
Inangkin ni Saso ang gintong medalya sa women’s individual event ng Asian Games sa Jakarta, Indonesia noong 2018 at nakipagtulungan kina Pagdanganan at Go para magreyna sa team competition.
Noong 2019 Southeast Asian Games ay hindi nakalaro si Saso ngunit nasikwat pa rin ni Pagdanganan ang gold medal sa individual event at nakatuwang si Lois Kaye Go sa team event.
Sina pole vaulter Ernest John Obie-na, gymnast Carlos Edriel Yulo at boxers Eumir Felix Marcial at Irish Magno pa lamang ang mga Pinoy athletes na nakakuha ng Olympic berth.
Bukod kina Saso, Pagdanganan at Ardina ay naghahangad din ng Olympic slot sina 2016 Rio de Janeiro silver medalist Hidilyn Diaz (weightlifting), 2018 Asian Games gold medal winner Margielyn Didal (skateboarding), 2019 world champion Nesthy Petecio (boxing), Fil-Japanese Kiyomi Watanabe (judo) at Fil-Ams Kristina Knott at Eric Shaun Cray (athletics). (
- Latest
