Chris Paul gustong bumalik sa LA Lakers
LOS ANGELES – Napabalitang plano ni All-Star guard Chris Paul na umalis sa Oklahoma City Thunder, habang naghahanap naman ang NBA champions Lakers ng isang reliable third offensive option.
Balak ni Paul, dating playmaker ng Clippers, na magbalik sa Los Angeles, ngunit sa pagkakataong ito ay para maglaro sa Lakers.
Nang lumabas sa NBA bubble matapos masibak ng Houston Rockets sa kanilang seven-game series ay nagposte si Paul ng isang video kung saan pinasalamatan niya ang mga Thunder fans.
Sa social media ay sinasabing isa itong farewell message ni Paul sa Oklahoma City. “I just want to say a huge, huge thank you to Oklahoma City fans, everybody for the way that you guys welcomed me back with open arms after starting my first two years in the city,” wika ni Paul. “To the team, to Sam Presti, Billy Donovan, the training staff.”
Ang 35-anyos na si Paul ay may kontrata pa sa Thunder hanggang sa susunod na dalawang seasons, ngunit sinasabing gagawa ng paraan ang Lakers para makuha ang veteran point guard at isama kina LeBron James at Anthony Davis.
- Latest
