Gin Kings vs Road Warriors minus Ginebra fans
MANILA, Philippines — Sa mga nakaraang taon ay naging tradisyon na para sa Barangay Ginebra ang makita ang kanilang mga ‘die-hard’ fans sa venue.
Ngunit mag-iiba ito ngayon sa pagpapatuloy ng 2020 PBA Philippine Cup sa Oktubre 11 sa Angeles University Foundation Gym sa Angeles, Pampanga.
Ito ay dahil lalaruin ang torneo sa closed-door na AUF Gym bilang pagsunod sa ipinatutupad na health and safety protocols sa PBA ‘bubble’ sa Clark Freeport Zone.
Wala ring makakalapit na mga fans dahil naka-lock-in ang buong delegasyon kasama ang mga staff ng Quest Hotel.
Sa reopening day ng torneo sa Linggo ay lalabanan ng Ginebra ang NLEX sa ganap na alas-6:45 ng gabi matapos ang bakbakan ng TNT Katropa at Alaska sa alas-4 ng hapon.
Kailangang masanay ang Gin Kings na wala ang kailang ‘Sixth Man’ sa laro na mga taga-Baragay na malaking tulong sa kanilang mga laro noong normal pa ang lahat.
Intact na line-up ang isasabak ng Ginebra na makukumpleto pagpasok sa bubble nina LA Tenorio at Japeth Aguilar.
- Latest