PBA players kailangang iwanan ang pamilya
MANILA, Philippines — Masayang family picture pero malungkot ang caption ng kanya-kanyang post ng ilang PBA Players tulad nina Paul Lee at Mark Barroca ng Magnolia Hotshots, CJ Perez ng Terra Firma (dating Columbian) at iba pa sa Instagram.
Bilang paghahaanda sa pagbabalik ng PBA Philippine Cup ay bumiyahe na ang unang batch ng teams pa-Clark kahapon at ang ikalawang batch ay sisibat naman ngayong araw.
Dalawang buwan o higit pa, tatagal ang PBA bubble at walang uwian ang lahat ng kasama sa PBA delegation.
Pitong buwan sapul nang itigil ang aksiyon sa PBA at sa mga panahong ito ay kasama ng mga players ang kanilang pamilya kaya sa pagbabalik ng PBA, mahirap para sa kanila na iwanan ang mga mahal sa buhay.
Ang restart ng Philippine Cup sa Oktubre 11 ngunit bago ito ay magkakaroon muna ng scrimmages.
- Latest
