2-0 lead asam ng Miami
LAKE BUENA VISTA, Fla. — Sa kabila ng pag-agaw ng panalo sa Game One ng kanilang Eastern Conference finals series ng Boston Celtics ay may ilang bagay pa ring gustong makita si Miami Heat Fil-American head coach Erik Spoelstra.
‘’We need to play better,’’ sabi ni Spoelstra matapos ang 117-114 overtime win ng Heat laban sa Celtics sa kanilang series opener.
Bumangon ang Miami mula sa 14-point deficit sa fourth quarter para resbakan ang Boston na kinatampukan ng krusyal na three-point play ni Jimmy Butler at supalpal ni big man Bam Adebayo sa dunk attempt ni Jayson Tatum.
‘’You just have to continue to keep the task at hand,’’ ani Spoelstra. ‘’Obviously, this is a super-competitive series. We were down (14-points) and it was for a reason. I mentioned that after the game, they were playing well, getting us out of what we typically do. It’s high-level competition and you can expect a big-time response from them.’’
Nakatakda ang Game Two ngayon kung saan hangad ng Heat na mapaganda ang kanilang 10-1 record ngayong postseason habang pipilitin naman ng Celtics na ‘di mabaon sa serye sa 0-2.
“We’ll look to play better,’’ sabi ni Boston coach Brad Stevens.
“I think we’ve got a lot of improvements to make on defense,’’ sabi rin ni Jaylen Brown sa Boston.
Posibleng ‘di pa rin lalaro si scoring guard Gordon Hayward sa Celtics bunga ng kanyang ankle sprain injury na nalasap niya sa Game 3 ng kanilang first-round series ng 76ers.
- Latest
