Magkakasama na uli sina Kai, Sage, Cholo
MANILA, Philippines — Sa pagdating ni Fil-American teen star Sage Tolentino ay patuloy ang training camp ng mga Pinoy standouts sa US sa ilalim ng East West Private para sa misyong maibandera ang bandila sa big league sa hinaharap.
Matapos ang yoga session noong nakaraang linggo, swimming training naman ang sinabakan ng EWP trainees sa pangunguna ng NBA G League bound na si Kai Sotto.
Sa pagsali naman ni Tolentino sa camp mula sa hometown Hawaii ay ang pansamantalang pag-alis naman ng isa pang Fil-Am standout na si Jayden Harper na pumanaw ang lolo kaya’t lumiban muna siya sa pinaigting na training camp ng East West Private, kung saan kasama rin si FEU guard Cholo Anonuevo.
Misyon ni Tolentino at ng mga trainees na masundan ang yapak ng 7-foot-2 na si Sotto na naging kauna-unahang G League international signee sa gabay ng EWP.
Patungo na rin sa destinasyong ito ang 7-foot-1 na si Tolentino lalo’t kagagaling lang sa eksplosibong sophomore year sa Maryknoll High School.
Sa likod ng inirehistro niyang 13.5 points, 8.3 rebounds at 3.5 blocks, na-ging All-Hawaii First Team member si Tolentino na malaking susi sa ikalawang sunod na titulo ng Spartans.
Sa ngayon ay may standing scholarship offers siya mula sa top US NCAA team na Kansas University at interesado rin ang Kentucky at Auburn.
Inaasahan ang patuloy na atensyong makukuha nina Tolentino at iba pang trainees sa ilalim ng EWP para sa iisang misyon na makaakyat sa NBA.
- Latest