23 naka-recover sa COVID-19 sa Lapu-Lapu
CEBU, Philippines — Gipangulohan ni Mayor Junard Ahong Chan ang pagsugat ug paghangop sa 23 ka pasyente sa covid-19 nga hingpit na nga naaayo ug gipagawas na sa nahimutangan nilang isolation facilities niadtong Sabado.
Naglakip sa mga naka-recover mao ang tulo ka babaye nga molupyo usab sa Dakbayan sa Lapu-Lapu
Gisaludohan sila sa ilang paggawas gikan sa isolation facility sa kagamhanan sa Dakbayan sa Lapu-Lapu nunot sa pag-ila kanila nga bag-ong covid heroes tungod kay ilang gilupig ang nahisgutang makamatay nga sakit.
Gikuyogan si Chan sa pagsugat sa nigawas na nga mga pasyente sa covid-19 sa mga personnel sa City Health Office (CHO) ug City Disaster Risk Reduction and Management Office (CDRRMO) sa Dakbayan sa Lapu-Lapu.
“Mapasigarbuhon usab ang kaisog nga gipakita sa tulo ka mga batang covid heroes nga niatubang sa hagit ug nilampos gayud sa ilang biyahe paingon sa pagkaayo”, matud ni Chan. (BANATNEWS)
- Latest