Mabubuhay na uli ang bayang karerista
MANILA, Philippines — Nitong nakaraan lamang ay nagpaskil ang Philippine Racing Commission, (PHILRACOM) na pinayagan na sila ng Inter-Agency Task Force, (IATF) na magbukas ng karera pero kailangan na malagay muna sa modified general community quarantine, (MGCQ) ang Metro Manila para payagan ang PHILRACOM na magpatakbo ng mgakarera.
“The said request was duly taken in the 44th Inter-Agency task Force meeting held on June 8, 2020. Consequently the IATF resolved to approved the request to resume horse racing activities on July 19 prodived that the NCR is already under MGCQ. Further, it was agreed that horse racing activities will be conducted only on weekends and without public participation. Finally to ensure compliance with the minimum public health standards, the initially submitted general guidelines during race day shall be reviewed accordingly by the Department of Health,’’ nakasaad sa statement na ipinadala ng IATF kay PHILRACOM chairman Andrew A. Sanchez.
Subalit noong Miyerkules, inihayag ni Games and Amusement Board (GAB) chairman Abraham Mitra na maaari nang mag-operate ang karerahan sa ilalim ng ge-neral community quarantine kaya laking tuwa ng mga karerista sa nasagap na magandang balita.
Kailangan pa ring sumunod sa health protocols at tuwing Sabado at Linggo lang ang karera.
“Mainam na rin ‘yun ang importante may trabaho na ulit kami,” saad ng isang nagtatrabaho sa karerahan na ayaw magpabanggit ng pangalan.
Sa Metro Turf ilalarga ang pagbabalik ng karera.
Marso nang ihinto ang bakbakan sa karera dahil sa pag-atake ng coronavirus at kabilang sa mga stakes race na naperwisyo ay ang Triple Crown Series.
- Latest