Sumalang na si Hidilyn Diaz

MANILA, Philippines — Hindi excuse para kay 2019 SEA Games gold medalist at weightlifting star Hidilyn Diaz ang pandemya para ipagpatuloy ang kanyang pagsasanay.

Kasalukuyang nasa Malaysia ang 2016 Rio Olympics silver medalist - kung saan nakaset-up ang kanilang training camp at doon namamalagi ngayon ang kanyang team.

Sa Instagram, nag-post ng ilang video si Diaz para i-update ang lahat patungkol sa mga nangyayari sa kanyang training kasama ang Chinese coach na si Kaiwen Gao at personal mentor Julius Naranjo at ang kanyang buong team.

Ipinakita ng 2018 Jakarta-Palembang Asian Games Games gold me-dalists ang pagbubuhat niya ng 161 kilograms na weights, na halos 10 buwan na niyang hindi nagawa kaya pansin na medyo hirap siya rito.

“It has been 10 months since I have touched weights this heavy. This is a lifetime PR (personal record) for me in the back squat at 161kg. I did not expect to be able to lift this weight and you can tell in my face how heavy the weight feels for me. But I am happy I am able to lift the weights and we are getting back on progress,” sabi ni Diaz.

“Coach Gao and Coach @imjulius really work together to make my program work for me and allow me to be in my best condition. @coachjeanetharo for working with my nutrition and making sure I perform at my best. Dr. @budst for giving me guidance during the pandemic.”

Nagpasalamat din si Diaz sa Philippine Sports Commission (PSC) sa walang sawang pagsuporta sa kanila maging sa MVP Sports Foundation ni Manny V. Pangilinan at sa lahat ng sponsors na nagtitiwala sa kanya.

Mas lalong lumakas ang tsansa ni Diaz na makalusot sa Summer Games nang maiuwi niya ang gintong medalya mula sa Rome 2020 Weightlifting World Cup sa Italy at noong Marso sana ang huli niyang Olympic qualifying tournament sa Colombia.