May niluluto na naman si Mayweather
MANILA, Philippines — Mukhang may binabalak na naman ang dating world champion na si Floyd Mayweather, Jr., dahil tila may bago na naman siyang niluluto ngayong taon.
Kasabay ng pagpo-post ng isang video habang nagsa-shadow boxing, may pahaging ang retired boxing champ sa caption nito. “Soon I’m going to hop on my jet to Tokyo, Japan for a meeting with my partners and Rizin for something this year 2020. Stay tuned @rizin_pr,” sabi ni Mayweather.
Hindi ito ang unang beses na sumubok ng kakaiba si The Money mula ng magretiro siya sa professional boxing noong 2017.
Nakipagsabayan siya kay Japanese kickboxing star Tenshin Nasukawa sa isang exhibition game noong 2018 at nasubukan din ang kanyang MMA nang patumbahin niya via Technical Knockout (TKO) si MMA superstar Connor McGregor noong 2017.
Matatandaan na nagkrus ang landas nina Mayweather at eight-division world champion Manny Pacquiao sa EDM (electronic dance music) concert sa Tokyo noong 2018 at dito lumutang ang posibilidad ng PacMay 2 dahil sa pagbibiro ng dalawa.
- Latest
