Mitchell hindi makapaniwalang may COVID-19

SALT LAKE CITY— Inamin ni All-Star guard Donovan Mitchell ng Utah Jazz na wala siyang naramdamang anumang sintomas bago magposi­tibo sa pagkakaroon ng coronavirus disease (COVID-19).

At nagpatuloy ito hanggang sumailalim siya sa isang self isolation.

Si Mitchell ang ikala­wang NBA player na nagpositibo sa COVID-19 matapos ang kanyang Jazz teammate na si Rudy Gobert.

Ilang araw din niyang hindi kinausap si Gobert.

“I’m glad he’s doing OK. I’m glad I’m doing well,” wika ni Mitchell kay Gobert na nagposte ng video updates tungkol sa sarili niyang ­kondisyon.

Nauna nang hindi si­neryso ni Gobert ang banta ng COVID-19.

Sinabi ni Mitchell na bumubuti na ang kanyang kondisyon at ang pinakamasaklap na nangyari ay ang pagdaan niya sa proseso.

Napaiyak siya nang sumailalim sa swabbing.

“I’m asymptomatic,” wika ni Mitchell. “I don’t have any symptoms. I could walk down the street (and) if it wasn’t public knowledge that I was sick, you wouldn’t know it. I think that’s the scariest part about this virus. You may seem fine, be fine. And you never know who you may be talking to, who they’re going home to.”

Ang ama ni Mitchell na si Donovan Mitchell Sr. ay nagtatrabaho para sa New York Mets at negatibo sa COVID-19.

Dahil sa pagpositibo ni Gobert sa nasabing virus ay sinuspindi ng NBA ang kanilang season saloob ng 30 araw.

Matapos sina Gobert at Mitchell ay si Detroit Pistons big man Christian Wood naman ang nagpositibo sa COVID-19.